Bałkony ŭ minskich šmatpaviarchovikach pravierać na adpaviednaść normam biaśpieki

Pazačarhovy ahlad bałkonaŭ i łodžyj praviaduć u Minsku na praciahu miesiaca, paviedamili BIEŁTA ŭ DA «Minskaja haradskaja žyllovaja haspadarka».

Takoje rašeńnie pryniata paśla vypadku abrušeńnia ŭ kancy lipienia bietonnaj plity ŭ žyłym domie numar 5 pa vulicy Tałbuchina. Pradstaŭniki ŽEU numar 3 Pieršamajskaha rajona ŭžo abśledavali kvatery žylcoŭ, vydali ŭłaśnikam pradpisańni ab časovaj niemahčymaści vykarystańnia bałkonaŭ.

Ciapier na abjekcie pracujuć śpiecyjalisty prajektnaj arhanizacyi «BiełTechEkśpiert», jakija padrychtujuć techničnyja zaklučeńni. Na doškach infarmavańnia pry ŭvachodach u padjezdy raźmieščana infarmacyja ab nieabchodnaści pradastaŭleńnia dostupu ŭ žyłyja pamiaškańni.

Da kanca žniŭnia na pradmiet techničnaha stanu i sanitarnaha ŭtrymańnia płanujecca abśledavać bałkony i łodžyi dziaržaŭnaha i pryvatnaha žyllovaha fondaŭ (u tym liku ŭ žyłych damach paśla kapitalnaha ramontu), jakija majuć termin ekspłuatacyi zvyš za 40 hadoŭ. Pry vyjaŭleńni razbureńnia cełasnaści bałkonnych plit buduć pryniaty miery pa adnaŭleńni defiektaŭ, pry nieabchodnaści vykanana techničnaje abśledavańnie na adpaviednaść niasučaj zdolnaści.

Pry vyjaŭleńni faktaŭ vykarystańnia bałkonaŭ nie pa pryznačeńni (składziravańnie mebli, bytavoj techniki, rečaŭ, budaŭničych materyjałaŭ), a taksama ŭstanoŭki na aharodžach indyvidualnych anten i inšych kanstrukcyj ułaśniki buduć pryciahvacca da adkaznaści. Pa vynikach kantrolnych mierapryjemstvaŭ sfarmirujuć hrafiki ramontu. Anałahičnyja mierapryjemstvy zapłanavany i ŭ inšych rehijonach respubliki.

Narmatyŭnaja praciahłaść ekspłuatacyi bałkonnych plit - kala 80 hadoŭ. Zvyčajna bałkony i łodžyi inśpiektujucca dva razy ŭ hod u čas płanavych viasieńnich i asieńnich ahladaŭ žyłoha fondu. Pravierki pravodziacca va ŭsich damach niezaležna ad hoda pabudovy. Čaściej za ŭsio vyjaŭlajucca takija niedachopy, jak razbureńnie nižniaj častki plity bałkona, asłableńnie aharodžaŭ, razbureńnie cemientnaj ściažki na samoj plicie.

Sačyć za stanam bałkonaŭ pavinny i sami žylcy. Na bałkonach i łodžyjach zabaroniena: raźmiaščać ciažkija rečy i materyjały; zachoŭvać lohkija na zaharańnie rečyvy, haručyja materyjały i vadkaści; źmianšać narmatyŭnuju vyšyniu aharodžy za košt pavieličeńnia taŭščyni padłohi; źmianiać formu i kanstrukcyju pamiaškańniaŭ; samavolna ŭstanaŭlivać kazyrki i prystasavańni dla suški bializny za miežami bałkonaŭ. Techničnyja charaktarystyki svaich bałkonaŭ uładalniki kvater mohuć udakładnić u žyllova-ekspłuatacyjnaj słužbie abo ŭ tavarystvie ŭłaśnikaŭ.

Zhodna z p. 1 art. 21.16 KoAP, parušeńnie pravił karystańnia žyłymi pamiaškańniami abo ŭtrymańnia žyłych i dapamožnych pamiaškańniaŭ žyłoha doma (za vyklučeńniem płaty za techničnaje absłuhoŭvańnie žyłych pamiaškańniaŭ i karystańnie imi, za kamunalnyja pasłuhi, jakija akazvajucca nasielnictvu, adličeńniaŭ na kapitalny ramont), kanstruktyŭnych elemientaŭ i inžyniernych sistem abo samavolnyja pierabudova i (abo) pierapłaniroŭka žyłych i (abo) niežyłych pamiaškańniaŭ, u tym liku inžyniernych sistem, bieź źmianieńnia niasučaj zdolnaści kanstrukcyj, a taksama vykarystańnie nie pa pryznačeńni žyłych pamiaškańniaŭ, prydatnych dla pražyvańnia, pryvodziać da nakładańnia štrafu ŭ pamiery da 30 bazavych vieličyń, a na jurydyčnuju asobu - ad 30 da 50 bazavych vieličyń.

• 0
• 0
• 0
• 0
• 0
• 0
• 0
• 0