Reuters
Miljarder Raman Abramovič i Darja Žukava vyrašyli razyścisia. Jak paviedamlaje Page Six (dadatak haziety New York Post), muž i žonka vypuścili adpaviednuju sumiesnuju zajavu.
Para, u jakoj dvoje ahulnych dziaciej, abviaściła pra razryŭ u paniadziełak. Abramovič i Žukava śćviardžajuć, što razryŭ byŭ mirnym.
«Praz 10 hadoŭ sumiesnaha žyćcia my abodva pryniali ciažkaje rašeńnie (…), adnak my zastajemsia blizkimi siabrami, baćkami i partniorami ŭ prajektach, jakija razam raźvivali», — adznačyli jany.
Dla 50-hadovaha Abramoviča šlub z 36-hadovaj Žukavaj treci pa liku. Usiaho ŭ jaho siamiora dziaciej, piaciora ź ich — ad druhoj žonki.
Abramovič — uładalnik futbolnaha kłuba «Čełsi». Jaho bahaćcie aceńvajecca ŭ 9,1 miljarda dalaraŭ.
Jak miarkujecca, jany paznajomilisia ŭ 2005 hodzie i aformili adnosiny praź niekalki hadoŭ. Ich syna kličuć Aaron, a dačka — Leja. Apošnija hady siamja žyła ŭ Vialikabrytanii.
