Adrazu niekalki ekipažaŭ DAI błakavali matacyklista — byccam by paśla skarhi čynoŭnika FOTY

Uviečary ŭ sieradu ŭ centry stalicy na praśpiekcie Niezaležnaści minaki stali vidavočcami dziŭnaha dziejstva. Adrazu niekalki patrulnych aŭtamabili DAI (spačatku ich było čatyry, a potym sabrałosia ažno šeść) błakavali zialony matacykł Kawasaki Ninja. Pra heta abw.by paviedamili vidavočcy. Taksama infarmacyja źjaviłasia ŭ sacsietkach, u hrupie «Bajkiery Minska». «Šeść mašyn užo. Ja stolki navat u GTA nie źbiraŭ!» — dajecca dzivu adzin ź vidavočcaŭ.

Pavialičyć

Alaksiej napisaŭ nam: «Kažuć, što pa horadzie ŭsie ŭładalniki zialonych «nindziaŭ» adčuvajuć na sabie ŭsiu luboŭ DAI, kažuć, ažno da kanfiskacyi matacykłaŭ. Taksama pahavorvajuć, što zahad pajšoŭ źvierchu, kahości vysokaha pakryŭdziŭ čałaviek na takim matacykle. Uładalnik matacykła na fota kinuŭ klič ab dapamozie…

Pavialičyć

Nasuprać budynak KDB źbirajecca vialikaja hrupa padtrymki, kažuć, što čałavieku vystaŭlajuć niezrazumiełyja parušeńni i ŭsialak sprabuju jaho zaciahnuć u adździaleńnie. Taksama jość infarmacyja, što abvieščany płan «Pierachop» na zialonuju «kavu», ale heta nie dakładna».

Abw.by udałosia źviazacca z tym samy matacyklistam na fota, uładalnikam sałatavaha Kawasaki Ninja, Alaksandram. Jon raspavioŭ, što z DAI prachodziŭ razhlad u patrulnym aŭtamabili hadziny dźvie:

— Jak ja zrazumieŭ, jechaŭ niejki ministr pa praśpiekcie i jon ubačyŭ, jak niejki matacyklist na sałatavym matacykle jechaŭ pa praśpiekcie na zadnim kole. Jon paskardziŭsia ŭ DAI i, jak ja čuŭ pa racyi, abviaścili płan «Pierachop» na sałatavy matacykł. Pačali adhledžvać videazapisy z kamier nazirańnia, dzie jechaŭ ja ci dzie jechaŭ matacykł, padobny da majho. Ciapier na mianie składajuć pratakoły. Spačatku ich było 7, zaraz zastałosia 3: za prajezd na čyrvonaje, niečytelny numar i vyjezd na sustrečnuju pałasu.

Matacyklist admaŭlaje, što jon jechaŭ na čyrvonaje. «Mnie pakazali niezrazumiełyja fatahrafii ź niejkaha słupa, na čyrvony sihnał ja dakładna nie jechaŭ. Usie parušeńni, jakija mnie zaličvajuć, byli zrobleny za hadziny paŭtary. Sam ja znachodziŭsia ŭ ofisie. Ci jechaŭ na zadnim kole? Mahčyma, ale heta było nie na praśpiekcie, adkaznaści za heta ŭ PDR niama», — pierakanany Alaksandr.

Pa słovach matacyklista, na miesca dla čahości padjechała i hrupa ekśpiertaŭ.

Paźniej Alaksandr patelefanavaŭ i ŭ razhublenaści paviedamiŭ, što matacykł usio ž taki zatrymlivajuć. «Tłumačać heta tym, što numar ramy nibyta nie adpaviadaje, choć jaho navat nichto nie hladzieŭ… Nie mohuć navat skazać, jakaja ličba vyklikaje sumnievy», — raspavioŭ matacyklist. Na miesca prybyŭ evakuatar.

Pavialičyć

• 0
• 0
• 0
• 0
• 0
• 0
• 0
• 0