Unačy 21 traŭnia, paśla finału «Eŭrabačańnia», byli abnarodavanyja vyniki paŭfinału.
Biełaruskaja śpiavačka Palina Smołava zaniała ŭ paŭfinale muzyčnaha jeŭrapiejskaha konkursu pieradapošniaje, 22-je miesca. Unačy 21 traŭnia, paśla finału «Eŭrabačańnia», byli abnarodavanyja vyniki paŭfinału.
Zhodna ź imi, udzielnica kancertaŭ «Za Biełaruś» nabrała 10 bałaŭ. 6 bałaŭ za Palinu Smołavu addała Rasieja, 3 — Małdova, 1 bał — Ukraina. U Partuhalii ŭ paŭfinale było 19-je miesca (26 bałaŭ), Niderlandaŭ — 20-je (22 bały), Manaka — 21-je (14 bałaŭ). Horš za biełarusku vystupiła tolki pradstaŭnička Andory, jakaja nabrała 8 bałaŭ.
Polski hurt «Ich troje» zaniaŭ u paŭfinale 11-je miesca, i palakam nie chapiła 6 bałaŭ, kab trapić u finał.
U finale 20 traŭnia pieramoh hurt ź Finlandyi «Łordzi», jaki nabraŭ 292 bały. Krainy, jakija zaniali pieršyja 10 miescaŭ u paŭfinale, u finalnym konkursie zaniali miescy z 1-ha pa 12-je.
Finlandyja — 1-je miesca ŭ finale (1-je ŭ paŭfinale), Rasieja — 2-je miesca ŭ finale (3-je ŭ paŭfinale), Bośnija-Hiercahavina — 3-je (2-je), Rumynija — 4-je (u paŭfinale nia ŭdzielničała), Švecyja — 5-je (4-je), Litva — 6-je (5-je), Ukraina – 7-je (7-je), Armienija — 8-je (6-je), Hrecyja — 9-je (ŭ paŭfinale nia ŭdzielničała), Irlandyja — 10-je (9-je), Turcyja – 11-je (8-je), Byłaja Juhasłaŭskaja Respublika Makiedonija — 12-je (10-je).
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy21
Kamientary