Adzin z samych siensacyjnych muzyčnych prajektaŭ apošnich hadoŭ «Hryby» vystupiać 29 listapada ŭ Pałacy sportu. Ukrainski hurt prezientuje novy albom - «Dom na kołach č.2». Start prodažaŭ kvitkoŭ abvieščany siońnia, piša Tut.by
U 2016 hodzie «Hryby» u prostym sensie słova raptam vyleźli z-pad ziamli. Spačatku pa sacsietkach raźlaciełasia virusnaje videa pad pieśniu «Intra», u jakim ananimnyja chłopcy, što čymści nahadvajuć hierojaŭ Gorillaz, čytali rep i rytmična ruchalisia pad muzyku ź vintažnaha bumboksa.
Hryby nie dajuć intervju, nie ŭdzielničajuć u fotasiesijach i nosiać bałakłavy.
Na siońniašni dzień u kalekcyi «Hryboŭ» 4 klipy. Amal usie jany ŭklučajuć u siabie skietčy - karotkija kamiedyjnyja sceny. Apošniaje videa «Tajet lod» užo nabrała bolš za 114 miljonaŭ prahladaŭ i sparadziła mnostva parodyj.
