Viktoryja Azaranka: Nichto nie pavinien vybirać pamiž dziciom i karjeraj
Viktoryja Azaranka napisała razhornuty kamientar z nahody sudu z baćkam svajho dziciaci za prava apieki nad synam. Biełaruskaja tenisistka spadziajecca, što ŭ chutkim časie ŭsie supiarečnaści miž imi buduć vyrašanyja, adnak sumniajecca, što paśpieje ŭziać udzieł u turniry US Open.
«Dzień, kali Lea źjaviŭsia na śviet u śniežni, byŭ samym ščaślivym u maim žyćci. Ciapier ja inakš hladžu na maci i baćkaŭ, jakim davodzicca spraŭlacca sa mnostvam abaviazkaŭ u siamji. Adnak, niahledziačy na maju biaźmiežnuju luboŭ da syna, ja sutyknułasia ź ciažkaściami, jakija nie dazvalajuć mnie viarnucca da majoj pracy.
U sakaviku ŭ Biełarusi ja razam sa svajoj kamandaj raspačała treniroŭki, kab da kanca lipienia być u dobraj formie. Mnie navat udałosia viarnucca na kort raniej, zhulaŭšy ŭ Maljorcy i na Uimbłdonie.
Nieŭzabavie paśla Uimbłdona ja i baćka majho dziciaci razyšlisia. Ciapier my vyrašajem jurydyčnyja pytańni, a heta značyć, što zhulać na US Open ja zmahu tolki kali pakinu Lea ŭ Kalifornii, čaho ja rabić nie źbirajusia.
Vielmi niaprosta znachodzić bałans pamiž karjeraj i kłopatam pra dzicia, ale ja sustreła i pryniała hetaje vyprabavańnie. Chaču vykazać svaju padtrymku mužčynam i žančynam, jakija viedajuć, jak heta — być pracujučym baćkam ci maci. Nichto nie pavinien vybirać pamiž dziciem i karjeraj. My ŭ siłach davać rady abodvum abaviazkam.
Biaźmiežna ŭdziačnaja za ŭsiu padtrymku, jakuju ja atrymlivała ŭ apošni čas ad ludziej, jakija razumiejuć, jak važna padtrymlivać pracujučych mam. Spadziajusia, chutka hetaja niaprostaja situacyja vyrašycca, što dazvolić mnie viarnucca na kort.
Ja zachoŭvaju aptymizm z pryčyny taho, što ŭ bližejšyja dni baćka Lea i ja zmožam vyrašyć roznahałośsi, zrabić zachady ŭ pravilnym kirunku i damovicca ab tym, kab my ŭsie troje mahli padarožničać, a ja — spaborničać. I, što jašče bolš važna, — kab Lea była zabiaśpiečanaja pastajannaja prysutnaść abaich jaho baćkoŭ».
Kamientary