Dva byłyja kandydaty ŭ deputaty Pałaty pradstaŭnikoŭ — dacent, kandydat filazofskich navuk Uładzimier Padhoł i kiraŭnik hramadzkaj arhanizacyi «Za svabodnaje raźvićcio pradprymalnictva» Alaksandar Taŭstyka — źviarnulisia da kiraŭnika biełaruskaj dziaržavy.
Jany prapanujuć padčas śviatkavańnia Dnia biełaruskaj piśmiennaści pravieści ahulnanacyjanalnuju dyktoŭku pa biełaruskaj movie.
Dyktoŭka ładzicca nia stolki dziela pravierki viedaŭ i vyjaŭleńnia pamyłak, kolki dziela demanstracyi salidarnaści nacyi. Jana dasiahajecca tym, što adnačasova balšynia hramadzianaŭ Respubliki Biełaruś pišuć adzin i toj ža tekst. «Prykładna tak, jak kročać u nahu sałdaty».
Tekst moža być ci ź Biblii, z ulikam vychadu ŭ śviet 500 hadoŭ tamu Biblii Franciška Skaryny, ci klasyčny, jaki vyvučajuć u škole — naprykład, z «Dudki Biełaruskaj» Franciška Bahuševiča.
Praviadzieńnie ahulnanacyjanalnaj dyktoŭki, ličać inicyjatary, moža značna paspryjać umacavańniu stabilnaści hramadztva, jaho kansalidacyi i prapahandzie kulturnych kaštoŭnaściaŭ. A taksama farmavańniu nacyjanalnaj i dziaržaŭnaj samaśviadomaści moładzi.
