Namieśnik premjer-ministra Vasil Žarko ličyć piacibalnuju sistemu acenki viedaŭ bolš dakładnaj i spraviadlivaj.
Takoje mierkavańnie jon vykazaŭ u prahramie «Hałoŭny efir» na telekanale «Biełaruś 1», paviedamlaje BiełTA.
«Pry dziesiacibalnaj sistemie niama niezdavalniajučych acenak. A bo adzinka i dvojka — heta niezdavalniajuča», - skazaŭ Vasil Žarko. Pavodle jaho słoŭ, baćki vučniaŭ narakajuć na toje, što ŭ škole im kažuć pra toje, što nivodnaje dzicia nie moža vučycca na 10 bałaŭ, bo niemahčyma viedać usio i bolš, čym nastaŭnik. Heta niapravilna, miarkuje vice-premjer.
«U raniejšyja časy ŭsio było dakładna: čatyry - heta čatyry, piać - heta piać. A ciapier usio raspłyvista», - adznačyŭ vice-premjer.
«My prapanavali hramadskaści abmierkavać pytańnie ab viartańni da piacibalnaj sistemy. Mnohija hetuju prapanovu padtrymlivajuć, - dadaŭ Vasil Žarko. — Kali zastaniecca dziesiacibalnaja škała, ja nie piareču. Ale jana pavinna być abjektyŭnaj».
U svaju čarhu ministr adukacyi Ihar Karpienka miarkuje, što hetaje pytańnie [piacibalnaja ci dziesiacibalnaja sistemy] nie prostaje i adnaznačnaje, tamu patrabuje šyrokaha abmierkavańnia, u pieršuju čarhu, siarod piedahohaŭ.
