Płatforma lohka adaptujecca ŭ latalnyja aparaty roznych madyfikacyj dla vyrašeńnia roznych zadač: ad łahistyki hruzaŭ i apracoŭki paloŭ da tušeńnia pažaraŭ, piša RIAN.
Maksimalnaja hruzapadymalnaść płatformy składaje 250 kiłahramaŭ. Kali ž vaha hruzu nie pieravyšaje 50 kiłahramaŭ, płatforma moža nieści jaho 350 kiłamietraŭ, a praciahłaść palotu pa časie moža doŭžycca vosiem hadzin. Takoje palapšeńnie techničnych charaktarystyk całkam možna ličyć praryvam u kanstrujavańni bieśpiłotnych aparataŭ.
Pry raspracoŭcy aparata inžyniery aryjentavalisia na patreby rynku: jany apytali kampanii łahistyčnaj i ahrarnaj halin i stvaryli mienavita takuju avijahruzavuju płatformu, jakaja patrebna pradpryjemstvam dla vyrašeńnia kankretnych zadač.
Inžyniery raspracavali ŭnikalnuju zapatentavanuju aeradynamičnuju schiemu, novuju matematyčnuju madel kiravańnia i skampanavali ŭsio ŭ zručnaj dla ekspłuatacyi kanstrukcyi.
Pamier płatformy — 5,2ch2,2 mietra. Jana źmiaščajecca ŭ standartny hruzavy kantejnier i rychtujecca da palotu za 10 chvilin. Usie apieracyi całkam aŭtamatyzavanyja, palotnaje zadańnie abaronienaje kryptahrafičnym podpisam i zaćviardžajecca ŭ centralnym dyśpietčarskim centry. Heta dazvalaje paźbiehnuć zapusku płatformy ŭ patencyjna niebiaśpiečnych zonach i kirunkach. Akramia taho, praduhledžanaja aŭtanomnaja parašutnaja sistema vyratavańnia aparata razam z hruzam, sistema ablotu pieraškod.
Aeradynamičnaja schiema płatformy palahaje ŭ padziele funkcyj padjomnych i rulavych pavietranych vintoŭ. Ruchavik unutranaha zharańnia naŭprost krucić vialikija vinty fiksavanaha kroku i stvaraje padjomnuju siłu, dapamožnyja elektryčnyja kirujučyja pavietranyja vinty zabiaśpiečvajuć aryjentacyju płatformy pa ryskańni, tanhažy i nachile.
Heta dazvalaje vykarystoŭvać enierhiju ruchavika naŭprost biez darahoj elektryčnaj schiemy paśladoŭnaha hibrydu, što značna pavyšaje efiektyŭnaść płatformy ŭ paraŭnańni z multykoptarami, a taksama značna patańniaje kanstrukcyju ŭ paraŭnańni ź viertalotnaj schiemaj.
Užo raspracavanyja try madyfikacyi płatformy: pieršaja — dla apracoŭki paloŭ z pavietra, druhaja — dla łahistyki hruzaŭ u ciažkadastupnych rehijonach i treciaja — dla tušeńnia pažaraŭ i apracoŭki lasoŭ. Na siońniašni dzień u rasijskaj płatformy niama kankurentaŭ siarod bieśpiłotnikaŭ viertykalnaha ŭźlotu i pasadki: u isnujučych dronaŭ hruzapadymalnaść nie pieravyšaje 20 kh, a ich kanstrukcyja abmiažoŭvaje dalejšaje pavieličeńnie. Alternatyvaj moža być tolki kiravanaja avijacyja, jakaja značna daražejšaja ŭ vykarystańni.
