60-hadovy lidar rasijskaha hurta «Rabfak» Alaksandr Siamionaŭ, aŭtar našumiełaj pieśni «Naš durdom hałasuje za Pucina», znojdzieny miortvym na zdymnaj kvatery ŭ Maskvie. Pra heta paviedamili siabry muzyki na jaho staroncy ŭ fejsbuku, piša Znak.
facebook.com
Siabry nie mahli znajści Siamionava z 19 žniŭnia. Pra heta ŭčora paviedamiŭ paet-piesieńnik, pradziusar i žurnalist Alaksandr Jelin. Uskryvać zdymnuju kvateru, u jakoj pražyvaje Siamionaŭ u Maskvie, palicyja ŭ adsutnaści svajakoŭ i haspadara admaŭlałasia. Apošni pavinien byŭ pryjechać u čaćvier.
Pieršaje paviedamleńnie ab śmierci muzyki źjaviłasia apoŭdni. «Usio. Sašy bolš niama. R I. P. Uciakajcie z hetaj krainy, ludzi. Biažycie», — napisaŭ Daniel Rapaport. Praz hadzinu Michaił Hurevič napisaŭ, što Siamionava znajšli miortvym u kvatery.
Inšych padrabiaznaściaŭ zdareńnia pakul niama.
