Administracyja prezidenta ZŠA Donalda Trampa razhladaje mahčymaść abmiežavańnia vydačy viz J-1 udzielnikam prajektaŭ au pair i letniaj padpracoŭki dla studentaŭ. Pra heta paviedamlaje The Wall Street Journal.
Vydańnie adznačaje, što ŭ prezidenta niama paŭnamoctvaŭ admianiać samu vizu J-1, adnak jon moža spynić dziejańnie niekatorych prahram, udzielniki jakich atrymlivajuć takuju vizu.
Abmiežavańni, pa źviestkach vydańnia, nie zakranuć akademičnych abmienaŭ.
Prapanavanyja miery mohuć zakranuć kala 100 tysiač čałaviek.
Siarod razhladanych varyjantaŭ dziejańniaŭ — zakryćcio karotkaterminovych pracoŭnych prahram abo ŭviadzieńnie novych patrabavańniaŭ dla ich udzielnikaŭ. Tak, pracadaŭcaŭ zamiežnych studentaŭ u ZŠA mohuć abaviazać najmać na prapanavanyja miescy ŭ pieršuju čarhu amierykanskich hramadzian.
