«MZS Viejšnoryi» pačało pracu ŭ internecie. Hučać palityčnyja zajavy i zakliki da mabilizacyi VIASIOŁYJA KARCINKI

«MZS Viejšnoryi» pačało pracu ŭ internecie. Hučać palityčnyja zajavy i zakliki da mabilizacyi VIASIOŁYJA KARCINKI abnoŭlena, dadaŭsia himn 58

Učora žurnalistam byŭ pradstaŭleny scenar biełaruska-rasijskich vučeńniaŭ «Zachad-2017». Umoŭnym voraham na terytoryi Biełarusi stała terytoryja pad nazvaj Viejšnoryja. Pad viečar stała viadoma jašče adna cikavaja akaličnaść hetaj terytoryi. Reakcyi internet-karystalnikaŭ na hetyja naviny mieli iraničny charaktar, a siońnia ranicaj u tvitary zapracavaŭ akaŭnt pad nazvaj «MZS Viejšnoryi».

Adnym ź pieršych tvitaŭ uradavaj ustanovy stała padkreślivańnie miralubnych namieraŭ:

Aficyjna: Viejšnoryja nikoli nie budzie napadać na Biełaruś. Ale i svajho nie addamo a ni kłapcika. #veisnoria #veišnoria #vaišnoria
— MZS Viejšnoryi (@Vaisnoria_MFA) August 30, 2017

Paśla pačalisia palityčnyja zajavy:

Oficialno: hraždaninu RB Biełokonievu Olehu Aleksiejeviču 1965 h.r. s 30.08.2017 vjezd na tierritoriju Viejšnorii ZAPRIEŜIEN #Viejšnoryja #Veisnoria pic.twitter.com/GSTrlwEqDC
— MZS Viejšnoryi (@Vaisnoria_MFA) August 30, 2017

I zakliki da mabilizacyi:

#Viejšnoryja abviaščaje častkovuju mabilizacyju. Zaklikajem dałučacca dobraachvotnikaŭ z braterskich krainaŭ! pic.twitter.com/xa7XyZB3Ac
— MZS Viejšnoryi (@Vaisnoria_MFA) August 30, 2017

Tvitar-akaŭnt NN pasprabavaŭ daviedacca niekatoryja padrabiaznaści ŭ Viejšnoryi:

a dzie vaša stalica znachodzicca? Kudy dziepiešy słać?
— NN.BY / «Naša Niva» (@nasa_niva) August 30, 2017

Aficyjny adkaz byŭ takim:

U Horadni znachodziacca aficyjnyja rezidencyi, Lida - Urad i Parłamient (akramaja Minkultu). Smarhoń - kulturnaja stalica.
— MZS Viejšnoryi (@Vaisnoria_MFA) August 30, 2017

Himnam Viejšnoryi pryznačany tvor Staroha Olsy «Niamon». Voś pruf:

Aficyjny himn - "Niamon"! Prosim udakładnić infarmacyju https://t.co/2l2hofOKbM
— MZS Viejšnoryi (@Vaisnoria_MFA) August 30, 2017

Taksama ŭ Vikipiedyi źjaviłasia admysłovaja staronka pra Viejšnoryju. Kali koratka, to Viejšnoryja — heta vydumanaja dziaržava, jakaja zhodna ź lehiendaj vučeńniaŭ «Zachad-2017» susiedničaje ź Biełaruśsiu. Viejšnoryja zajmaje terytoryju bolšaj častki Hrodzienskaj vobłaści i paŭnočna-zachodnich častak Minskaj i Viciebskaj abłaściej.

Biełaruska-rasijskija vučeńni «Zachad-2017» projduć z 14 pa 20 vieraśnia.