Stychijnaje biedstva ŭ Techasie nie pakinuła abyjakavymi suśvietnych zorak, paviedamlaje Fox News.
Sandra Bułak, fota justjared.com
Kim Kardašjan ŭ svaim mikrabłohu napisała paviedamleńnie, što hatovaja achviaravać Armii Vyratavańnia i ŭsim paciarpiełym ludziam, jakija zastalisia biez prytułku, 500 tysiač dalaraŭ. Jana padkreśliła, što jaje maci i siastra ŭžo praviali takuju dabračynnuju akcyju sa svajho boku, a ciapier nadyšła jaje čarha.
Kantry-śpiavak Krys Janh taksama paabiacaŭ achviaravać 100 tysiač dalaraŭ. Kievin Chart pavialičyŭ sumu svajho ŭniosku da 50 tysiač dalaraŭ. Zatym Krys Braŭn daŭ na achviaravańnie 100 tysiač dalaraŭ.
Biejonse, jakaja rodam z Chjustana, abviaściła ŭ aŭtorak, što budzie zajmacca dabračynnaściu, kab dapamahčy paciarpiełym ad pavodki ŭ jaje rodnym horadzie.
«Majo serca sychodzić u moj rodny horad, Chjustan, i ja ŭvieś čas malusia za tych, chto paciarpieŭ», — skazała jana ŭ zajavie dla miascovych ŚMI Chjustana.
Halivudskaja aktrysa Sandra Bułak achviaravała 1 młn dalaraŭ na dapamohu paciarpiełym ad trapičnaha ŭrahanu. «Dla mianie vielmi važna, što ja mahu dapamahčy. Kožny z nas pavinien zrabić svoj układ», — zajaviła aktrysa.
