U Minsk z Mahilova dastaŭleny Statut Vialikaha Kniastva Litoŭskaha 1588 hoda. Aryhinalnaje vydańnie budzie pradstaŭlena na vystavie «Nacyja knih. Statut 1588 i staradrukavanyja knihi», pryśviečanaj 500-hodździu biełaruskaha knihadrukavańnia i piacihodździu viartańnia adnaho z ekzemplaraŭ znakamitaha Statuta VKŁ, u Dziaržaŭnym muziei historyi biełaruskaj litaratury, paviedamili BIEŁTA ŭ muziei.
U haściej vystavy, jakaja adkryjecca 1 vieraśnia, źjavicca mahčymaść ubačyć najvyšejšy zakanadaŭčy akt Vialikaha Kniastva Litoŭskaha, Ruskaha i Žamojckaha, papiarednika jeŭrapiejskich Kanstytucyj. Statut budzie znachodzicca ŭ muziei da 23 vieraśnia, paśla čaho vierniecca ŭ Mahiloŭ, dzie zachoŭvajecca na pastajannaj asnovie. Ciapier u metach biaśpieki ŭnikalnaje vydańnie znachodzicca ŭ siejfie, abstalavanym sihnalizacyjaj.
Kniha była vydadziena na starabiełaruskaj movie ŭ drukarni Mamoničaŭ u Vilni. Tysiačy statutaŭ, jakimi karystalisia prodki biełarusaŭ, byli stračany, ale ŭ 2012 hodzie dziakujučy finansavaj padtrymcy miecenataŭ adzin z ekzemplaraŭ byŭ vykupleny. Viartańnie na radzimu viadomaha vydańnia stała praciaham šmatviakovaj tradycyi miecenactva na Biełarusi.
Akramia statuta, adkryćciom dla haściej vystavy stanuć redkija vydańni Mahiloŭskaj kansistorskaj drukarni XVIII stahodździa z fondaŭ Nacyjanalnaj biblijateki Biełarusi, jakija buduć vystaŭleny ŭpieršyniu, a taksama źmienšanaja kopija drukarskaha stanka, što isnavaŭ u časy Skaryny, zroblenaja vučniem minskaj himnazii.
Vystava arhanizavanaja Dziaržaŭnym muziejem historyi biełaruskaj litaratury sumiesna z muziejem historyi Mahilova i Nacyjanalnaj biblijatekaj Biełarusi.