Vielizarny asteroid Fłorens pralacieŭ 1 vieraśnia za 7 młn km ad Ziamli, paviedamiła NASA, zapeŭniŭšy, što padstaŭ dla turboty niama i nie budzie pa mienšaj miery da 2500 hoda.
U bližejšym punkcie asteroid byŭ u 18 razoŭ dalej ad Ziamli, čym Miesiac. Vyjava NASA
Dyjamietr niabiesnaha cieła składaje 4,4 km. Tak blizka da Ziamli hetak bujnyja asteroidy jašče nie nabližalisia, piša VVS.
Navukoŭcy spadziajucca, što vyvučeńnie asteroidaŭ dazvolić pralić śviatło na pachodžańnie sonca i płaniet soniečnaj sistemy.
Asteroid Fłorens byŭ adkryty 2 sakavika 1981 hoda amierykanskim astranomam Šełte Basam u aŭstralijskaj absiervatoryi Sajdynh-Sprynh. Jaho nazvali ŭ honar brytanskaj miedsiastry i hramadskaha dziejača Fłorens Najtynhiejł (1820-1910), jakaja stała nacyjanalnaj hierainiaj dziakujučy revalucyi ŭ dohladzie za paranienymi ŭ hady Krymskaj vajny.
Apošni raz Fłorens pralataŭ niedaloka ad Ziamli ŭ 1890 hodzie.
Niabiesnaje cieła jašče niekalki dzion možna razhledzieć navat u nievialikija teleskopy u suzorji Paŭdniovaj Ryby, Kaziaroha, Vadaleja i Delfina.
«Fłorens — najbujniejšy asteroid, jaki pralacić pobač z našaj płanietaj z momantu, kali NASA zaniałosia pošukam i adsočvańniem asteroidaŭ u kalaziamnoj prastory», — skazaŭ śpiecyjalist NASA Poł Čodas.
Navukoŭcy majuć namier skarystacca hetaj mahčymaściu, kab vyvučyć niabiesnaje cieła z dapamohaj radyjołakacyjnych stancyj Hołdstaŭn ŭ Kalifornii i Aresiba ŭ Puerta-Ryka, paviedamiła NASA.
Kali b niabiesny abjekt takoha pamieru sutyknuŭsia ź Ziamloj, nastupstvy mieli b hłabalny maštab.
