Paśla druhoha palityka mohuć pasadzić «za dyskredytacyju Respubliki Biełaruś»
Pa słovach Alaksandra Milinkieviča, papiaredžańnie było dadzienaje za pradastaŭleńnie zamiežnaj dziaržavie śviedčańniaŭ, jakija dyskredytujuć Respubliku Biełaruś. Padstavaj dla papiaredžańnia byli dva interviju – viadomaj polskaj hazecie «Rzeczpospolita» i ruskaj słužbie radyjo Bi-Bi-Si.
U interviju «Rzeczpospolita» palityk vykazaŭsia nakont abstavinaŭ śmierci vice-konsuła Polščy ŭ Horadni Ryšarda Badoń-Lechra. «Ja nie vyklučaŭ, što ŭłady mahli spryčynicca da jaho śmierci. Ale nie śćviardžaŭ, bo ŭ mianie niama śviedčańniaŭ».
U efiry Bi-Bi-Si Milinkievič kazaŭ pra toje, što prezydenckija vybary prajšli niezakonna, što Łukašenka nia mieŭ prava ŭ ich udzielničać. Na sajcie radyjostancyi materyjał dastupny pad zahałoŭkam «Milinkievič: Łukašienko sovieršił pierievorot»
Heta pieršaje papiaredžańnie Milinkieviču. U razie druhoha palityku pahražaje kryminalnaja sprava.
Fota Andreja Lankieviča
