Hałoŭny abjekt vystavy, viadoma bulba. I nie vypadkova, bo hety hod u AAN adznačany, jak hod usim nam viadomaj harodniny.
Jak kažuć arhanizatary: «Dla nas bulba – heta nia prosta harodnina i nia prosta pradukt charčavańnia, choć, miž inšym, Biełaruś zajmaje 1-je miesca ŭ śviecie pa spažyvańniu hetaha kaliści paŭdniovaamerykanskaha pradukta. Pryčym biełarusu nie zamieniać bulbu ni rys, ni makarona, ni, tym bolš, paŭsiudnaja soja. Usienarodnaja akcyja pa pasadcy j zbory bulby – heta dzieja, jakuju možna paraŭnać pa svajoj estetycy z pryniataj u Japonii tradycyjaj lubavańnia kvitniejučaj sakuraj. U sučasny čas sadžańnie-kapańnie bulby nosić nia stolki praktyčny charaktar, kolki charaktar dałučeńnia da rodnaj pryrody. Jak ni dziŭna, da hetaha času bulba nia tak časta stanaviłasia abjektam biełaruskaj mastackaj prastory. Hety prajekt paklikany zapoŭnić hety prabieł u kulturnym žyćci našaha hramadstva».
U Mastackaj Halerei buduć pradstaŭleny ŭsie typy tvorčaści: ad fatazdymkaŭ dy až da skulptury.
Vystava budzie pracavać z 6 vieraśnia, akramia niadzieli j paniadziełka. Adkryćcio adbudziecca 5 vieraśnia a 17-aj hadzinie. Mastackaja halereja mieścica ŭ Pałacy Respubliki pa adrasie Kastryčnickaja płošča, 1.
