Niezaležnaść Hruzii pačałasia z futbołu

U 1990 hodzie Źvijad Hamsachurdyja abjaviŭ na tbiliskim stadyjonie pra pačatak novaje ery ŭ hruzinskim futbole — Hruzija tady admovilisia ŭdzielničać u savieckim futbolnym turniry.

U svaim debiutnym matčy ŭ traŭni 90-ha tbiliskaje Dynama zhulała ŭničyju ź vilenskim «Žalhirysam». Šmat paźniej było vyrašana pryznać hety matč sustrečaj miždziaržaŭnaha ŭzroŭniu. Hulnia tady skončyłasia ničyjoj — 2:2.

Najvialikšuju pieramohu zbornaja Hruzii zdabyła nad zbornaj Armenii: 7:0. Najvialikšuju parazu paciarpieła ad Rumynii (0:5) i Danii (1:6).

U 1992 hodzie Hruzija dałučyłasia da FIFA, a ŭ 1993-m — da UEFA. Pieršy matč u ramkach UEFA byŭ zhulany ŭ 1994-m suprać Małdovy j skončyŭsia pieramohaj ź likam 1:0. Adnak dalejšy šlach hruzinskaj družyny pa eŭrapiejskich futbolnych palach nia byŭ hładkim: zbornaja tak ni razu nie zmahła prabicca ŭ finalnyja stadyi bujnych futbolnych turniraŭ.

Svoj pieršy i apošni matč u turniry Savieckaha Sajuzu najsłavuciejšaja kamanda Hruzii — tbiliskaje Dynama — zhulała z Dynama kijeŭskim. Abodva razy — i ŭ 1926-m, i ŭ 1989-m — hulnia skončyłasia ničyjoj 2:2. Tbyliskaje Dynama było adnoj z najmacniejšych kamand savieckaha futbolnaha turniru. Jana dvojčy stanaviłsia čempijonam SSSR — u 1964 i 1978 hodzie. U niezaležnaj Hruzii staličnaje Dynama praciahvaje zajmać najvyšejšyja radki turnirnych tablic.

U 1981 hodzie tbiliskaje Dynama zavajavała Kubak kubkaŭ. Proźviščy hruzinskich hulcoŭ paŭtaraŭ uvieś śviet: Čachieli, Meschi, Metreveli. Składajučy sastavy symbaličnych zbornych śvietu, futbolnyja analityki nie zabyvalisia na talenavitych hruzinaŭ.

Bahata hruzin hulali i ŭ zbornaj SSSR: Hivi Čachieli, Michaił Meschi, Słava Metreveli, Anzor Kavazašvili, Murtaz Churciłava, Revazem Dzadzuašvili, Alaksandar Čyvadze. Pryčym, Churciłva i Ćzivadze byli kapitanami savieckaj zbornaj.

Za časami niezaležnaści biełarusy z hruzinami sustrakalisia dziesiać razoŭ. Piać matčaŭ našy prajhrali, čatyry vyjhrali, u adnym zhulali ŭničyju.

hod	farmat	uzrovień	kamandy	chatni matč	haściavy matč
1997	Kubak UEFA	Pieršy kvalifikacyjny raŭnd	Dynama (Miensk) – Kałchieci-1913 (Poci)	1:0	1:2
1997		1/32 finału	MPKC (Mazyr) – Dynama (Tbilisi)	1:1	0:1
2001		Papiaredni raŭnd	BATE (Barysaŭ) – Dynama (Tbilisi)	4:0	1:2
2004		Pieršy kvalifikacyjny raŭnd	BATE (Barysaŭ) – Dynama (Tbilisi)	2:3	0:1
2005		Pieršy kvalifikacyjny raŭnd	BATE (Barysaŭ) – Tarpeda (Kutaisi)	5:0	1:0

U 2006 hodzie prajšła sustreča maładziovych zbornych Hruzii j Biełarusi. Biełarusy tady prajhrali ŭsuchuju — 0:3.

U 1998 hodzie spartovaja hazeta «Sarbieli» praviała apytańnie, padčas jakoha vyznačyli najlepšych trenera, futbalista j adzinaccać hulcoŭ hruzinskaha futbołu XX stahodździa. Najlepšym hulcom «mrojnaj kamandy» byŭ pryznany Michaił Meschi, najlepšym treneram — Nadar Achałkaci, adzinaccatka ž futbalistaŭ vyhladaje nastupnym čynam:

Bramnik — Serha Katrykadze

Abaroncy