Staršynia Jeŭrakamisii Žan-Kłod Junkier prapanavaŭ uvieści adzinuju jeŭrapiejskuju valutu na ŭsioj terytoryi Jeŭrapiejskaha Sajuza. Vystupajučy 13 vieraśnia i Jeŭraparłamiencie sa štohadovym pasłańniem ab stanoviščy spraŭ u Jeŭrasajuzie, Junkier zajaviŭ, što ličyć metazhodnym pierachod na jeŭra ŭsich biez vyklučeńnia krain ES.
Da jeŭrazony, na jaho dumku, pavinny dałučycca i ŭschodniejeŭrapiejskija členy Jeŭrasajuza, siarod jakich - krainy ź niestabilnaj ekanomikaj, takija jak Bałharyja i Rumynija, a taksama krytyčna nastrojenyja da palityki jeŭrapiejskaha adzinstva Polšča i Vienhryja. Junkier prapanavaŭ vyłučyć u biudžecie ES asobny artykuł vydatkaŭ dla pašyreńnia jeŭrazony. Hetyja srodki, pavodle jaho kancepcyi, pavinny ŭmacavać ekanomiku niestabilnych dziaržaŭ ES i ablehčyć im pierachod na adzinuju jeŭrapiejskuju valutu.
U ciapierašni čas u zonu jeŭra ŭvachodziać 19 z 28 krain Jeŭrasajuza (aproč Polščy, Čechii, Danii, Šviecyi, Vienhryi, Rumynii, Bałharyi, Charvatyi).
