Śledčyja raspačali kryminalnuju spravu pa artykule za paklop u dačynieńni da karystalnika sacyjalnaj sietki, jaki pakinuŭ post u adnym z łuninieckich pablikaŭ. Pra heta paviedamili tut.by va ŭpraŭleńni Śledčaha kamiteta pa Bresckaj vobłaści.
Asoba złamyśnika pakul vyśviatlajecca. Pavodle materyjałaŭ spravy, 28 lipienia nieviadomy apublikavaŭ u sacyjalnaj sietcy paviedamleńnie, jakoje źmiaščaje zahadzia iłžyvuju infarmacyju, što nie adpaviadaje rečaisnaści dy hańbić honar i hodnaść maładoj žycharki Łuninieckaha rajona. Post ilustravany fota paciarpiełaj z ukazańniem jaje imia.
Abłasnoje ŭpraŭleńnie Śledčaha kamiteta praviaraje, ci datyčnyja da ździajśnieńnia złačynstva znajomyja žančyny i svajaki, taksama śledčyja źbirajucca nakiravać mižnarodnaje daručeńnie ab akazańni pravavoj dapamohi ŭ pravaachoŭnyja orhany Rasijskaj Fiederacyi.
