Jak stała viadoma «Našaj Nivie», zamienienaja śledčaja hrupa pa h. zv. «Spravie patryjotaŭ». Źmieny adbylisia niadaŭna. Admietna, što dva byłyja načalniki śledčaj hrupy zvolnilisia z orhanaŭ — abodva pałkoŭniki.
U pres-słužbie Śledčaha kamiteta heta patłumačyli aptymizacyjaj.
«Złačystvaŭ ździajśniajecca mienš, źmianiajecca struktura złačynnaści. Tamu pieraraźmiarkoŭvajecca asabovy skład dla najbolš efiektyŭnaha vykarystańnia: stvarajucca novyja padraździaleńni šlacham złučeńnia ci rearhanizacyi isnych», — patłumačyŭ načalnik pres-słužby Śledčaha kamiteta Siarhiej Kabakovič.
«Pry rearhanizacyi niejkaha padraździaleńnia supracoŭnikam prapanujecca pierajści na inšaje miesca słužby. Niekatoryja admaŭlajucca i sychodziać u zapas», — tak Kabakovič prakamientavaŭ sychod dvuch pałkoŭnikaŭ z byłoj śledčaj hrupy pa rasśledavańni spravy patryjotaŭ.
Nahadajem, što 21 vieraśnia vychodzić termin rasśledavańnia, paśla čaho budzie pryniata rašeńnie ab zakryćci ci praciahnieńni spravy. Pakul usie «patryjoty» znachodziacca pad padpiskami ab niavyjeździe.
