Prezident Ukrainy Piatro Parašenka prapanavaŭ stvaryć mižnarodnuju hrupu pa kaardynacyi namahańniaŭ datyčna vyzvaleńnia Kryma ad rasijskaj akupacyi. Pra heta jon zajaviŭ u sieradu na siesii Hienieralnaj asamblei AAN u Ńju-Jorku, paviedamlaje UP.
«Pryjšoŭ čas stvaryć mižnarodnuju hrupu siabroŭ ukrainskaha Kryma dla kaardynacyi ahulnych krokaŭ i dziejańniaŭ», — skazaŭ kiraŭnik susiedniaj dziaržavy.
Jon nahadaŭ, što Hienasambleja AAN pryznała RF akupacyjnaj dziaržavaj, tamu nieabchodna ŭzmacnić mižnarodny režym deakupacyi Kryma.
Pa słovach Parašenki, Ukraina raźličvaje na dapamohu ŭ hetym pytańni ad jaje mižnarodnych partnioraŭ.
Ukrainski prezident nahadaŭ pra pieraśled akupacyjnym režymam u Krymie miascovych aktyvistaŭ i krymskich tataraŭ, u pryvatnaści, pra namieśnika staršyni Miedžlisa krymskich tataraŭ Achtema Čyjhoza, jakoha akupanty niadaŭna prysudzili da 8 hadoŭ pazbaŭleńnia voli.
Jon nazvaŭ paŭvostraŭ «terytoryjaj represij».
