U Breście abviaścili prysud 31-hadovamu žycharu horada, jakoha abvinavačvali ŭ zamachu na kradziež u asabliva bujnym pamiery.
Mužčynu zatrymali 30 červienia supracoŭniki departamienta achovy. Milicyjanty prybyli pa sihnale «Tryvoha», jaki pastupiŭ z bankamata «Bielinviestbanka» na vulicy Vałhahradskaj. Na toj momant u bankamacie znachodziłasia 100 760 rubloŭ i 8 700 dalaraŭ.
Zvonku na abjekcie adsutničali paškodžańni, ale narad, što prybyŭ na miesca zdareńnie, pačuŭ huk bałharki.
Padčas ahladu była vyjaŭlena vyrazanaja adtulinu ŭ stolevaj častcy raleta bankamata, a taksama krasoŭki ŭ pakiecie. Słužbovy sabaka pa pachu znajšoŭ złamyśnika. Jon chavaŭsia ŭ bakoŭcy za dźviaryma.
«Sud Maskoŭskaha rajona Bresta pryznaŭ mužčynu vinavatym u zamachu na tajemny kradziež majomaści ŭ asabliva bujnym pamiery (č.1 art. 14 č.4 art. 205) i pryznačyŭ 3 hady pazbaŭleńnia voli z adterminoŭkaj vykanańnia asnoŭnaha pakarańnia terminam na 2 hady. Akramia taho ŭ abvinavačanaha kanfiskavali majomaść», — paviedamiła TUT.BY staršy pamočnik prakurora horada Bresta Kaciaryna Ramaška.
Prysud nie ŭstupiŭ u zakonnuju siłu i moža być abskardžany.
