55 čałaviek zapisalisia na kursy ŭkrainskaj movy ŭ Minsku. Pra heta «Našaj Nivie» raskazaŭ vykładčyk kursaŭ Jahor Dziobik.
Zapis praciahvajecca, da pačatku zaniatkaŭ zastajecca dva tydni.
Inicyjatyva arhanizacyi kursaŭ naležyć Tavarystvu biełaruskaj movy (TBM). Staršynia TBM Aleh Trusaŭ u razmovie z «Našaj Nivaj» raskazaŭ: «U nas užo isnujuć kursy polskaje movy praź biełaruskuju, tamu my vyrašyli prapanavać novamu ŭkrainskamu ambasadaru Iharu Kizimu arhanizavać takija ž kursy ŭkrainskaj. Jany z radaściu pahadzilisia i navat adšukali vykładčyka, jaki dobra vałodaje i biełaruskaj, i ŭkrainskaj movami», — raspavioŭ spadar Trusaŭ.
Biaspłatnyja zaniatki pačnucca 6 kastryčnika i, jak płanujecca, buduć prachodzić štopiatnicu z 18:00 da 19:30. Ale ofis TBM pa vulicy Rumiancava, 13 zamały dla takoj kolkaści achvotnych, tamu arhanizatary hatovyja razhledzieć inšyja varyjanty. Kali vy majecie idei, dzie mahli b prachodzić kursy, abo kali vy ŭłaśnik niejkaj prastory i hatovyja tam pryniać kursy, pišycie na adras [email protected].
Zapisacca na kursy i atrymać bolš detalnuju infarmacyju možna pa telefonach:
- (029) 605-56-35 (vykładčyk Jahor Dziobik)
- (017) 263-85-11 (Tavarystva biełaruskaj movy)
