Šmatdzietnaja siamja Śnihir ź vioski Jasień Asipovickaha rajona atrymała ŭ padarunak ad Alaksandra Łukašenki karovu Biełku.
Uračystaje ŭručeńnie adpaviednaha siertyfikata i samoj «karmicielki» pa daručeńni kiraŭnika dziaržavy i ŭrada prajšła siońnia z udziełam pieršaha namieśnika staršyni Mahiloŭskaha abłvykankama Aleha Čykidy, piša BiełTA.
Ź niezvyčajnaj prośbaj padaryć siamji karovu źviarnułasia na aficyjny sajt kiraŭnika dziaržavy haspadynia siamji Volha Śnihir, matyvujučy heta nieabchodnaściu zabieśpiačeńnia dziaciej śviežym małakom.
Doŭha čakać nie pryjšłosia. Pra toje, što list dajšoŭ da adrasata, paviedamili rabotniki sacyjalnaj słužby, jakija pryjechali praz tydzień abśledavać umovy pražyvańnia siamji i mahčymaść hadavańnia rahuli.
Karova daje ŭ sutki 25 kh małaka. Hetaha chopić, kab zabiaśpiečyć šmatdzietnuju siamju śviežym małakom.
Pa słovach Aleha Čykidy, karova prajšła kastynh: vybirali, kab jana była pradukcyjnaja, zdarovaja, spakojnaja. Da taho ž u karovy ŭ lutym-sakaviku budzie papaŭnieńnie.
