U levym lohkim viadomaha rasijskaha akciora Mikałaja Karačancava daktary znajšli puchlinu. Uzor adpravili na bijapsiju, kab vyśvietlić dabrajakasnaja jana ci złajakasnaja, paviedamlajuć infarmacyjnyja ahienctvy.
Kali pryjšli vyniki, stała zrazumieła, što ŭtvareńnie ŭ lohkim złajakasnaje. Akramia taho, lekary adznačajuć, što puchlina nieapierabielnaja. Infarmacyju rasijskich ŚMI paćvierdziła žonka akciora, jakaja taksama zajaviła, što jany majuć namier zmahacca z chvarobaj.
Viadoma, što niadobraje miedyki zapadozryli paśla taho, jak akcior pastupiŭ u miedustanovu ź lohačnym kryvaciokam. Pra ŭtvareńnie ŭ levym lohkim stała viadoma paśla praviadzieńnia kampjutarnaj tamahrafii.
Zdaroŭje Mikałaja Piatroviča pahoršyłasia paśla avaryi ŭ 2005 hodzie, kali jon niekatory čas pravioŭ u komie i atrymaŭ niezvarotnyja nastupstvy. Karačancaŭ viadomy hledačam pa rolach u takich kinastužkach, jak «Biełyja rosy», «Čałaviek z bulvara Kapucynaŭ», «Starejšy syn», «Junona i Avoś» i inšych.