Viciablanin aštrafavany na 300 bazavych vieličyń (6900 rubloŭ) za abrazu sudździ ŭ sacyjalnych sietkach, paviedamiŭ BIEŁTA namieśnik načalnika adździeła pa nahladzie za adpaviednaściu zakonu sudovych rašeńniaŭ pa kryminalnych spravach prakuratury Viciebskaj vobłaści Vital Suzanski.
Prysud byŭ vyniesieny siońnia. Kryminalnaja sprava pa abvinavačvańni 30-hadovaha žychara Viciebska pa art. 391 KK (abraza sudździ ŭ suviazi z ažyćciaŭleńniem im pravasudździa) razhledžanaja ŭ abłasnym sudzie.
Jak paviedamlałasia, mužčyna, vykarystoŭvajučy svoj akaŭnt pad vydumanymi źviestkami ŭ sietcy, raźmiaściŭ na sajcie ŭ adnoj z adkrytych tematyčnych hrup, pryśviečanych Viciebsku, tekstavy kamientar, jaki ŭtrymlivaŭ «linhvistyčnyja prykmiety abrazy sudździ». Mužčyna dziejničaŭ naŭmysna, imknuŭsia publična abrazić u suviazi z ažyćciaŭleńniem sudździoj pravasudździa — razhladam kankretnych kryminalnych spraŭ. Kamientar byŭ dastupny dla ŭsich internet-karystalnikaŭ.
Vinu ŭ ździajśnieńni pakazanaha złačynstva abvinavačany pryznaŭ tolki častkova. U svaich dziejańniach nie raskajaŭsia, pierad sudździoj prabačeńnia nie paprasiŭ.
