Alaksandr Łukašenka i prezident Tadžykistana Emamali Rachmon ranicaj 5 kastryčnika padčas telefonnaj razmovy abmierkavali stan i pierśpiektyvy raźvićcia dvuchbakovych adnosin, paviedamlaje pres-słužba kiraŭnika dziaržavy.
Kiraŭniki abmierkavali ŭzajemadziejańnie krain na mižnarodnych placoŭkach i hrafik majučych adbycca kantaktaŭ. Łukašenka zaprasiŭ Rachmona naviedać z rabočym vizitam Biełaruś u ramkach praviadzieńnia siesii Rady kalektyŭnaj biaśpieki ADKB u Minsku. Adznačana, što «vizit budzie spryjać padtrymańniu daviernaha palityčnaha dyjałohu, nadaść impuls handlova-ekanamičnym adnosinam, pašyryć dahavorna-pravavuju bazu».
Akramia taho, padčas telefonnaj razmovy lidary dźviuch krain zakranuli prablematyku mižnarodnaha i rehijanalnaha paradku dnia.
Taksama kiraŭnik biełaruskaj dziaržavy ciopła pavinšavaŭ svajho kalehu z 65-hadovym jubilejem, adznačyli ŭ pres-słužbie.