Deputatka Pałaty pradstaŭnikoŭ Hanna Kanapackaja abvieściła ab stvareńni hramadzianskaj kampanii «Napierad, Biełaruś!» Pra heta aktyvistka AHP napisała na svajoj staroncy ŭ fejsbuku.
Admietna, što Kanapackaja ŭžo pieršaj frazaj krytykuje nie tolki ŭładu, ale i apazicyju. «Biełarusy nie vierać nie tolki dziejnaj uładzie, ale i apazicyi, i majuć važkija asnovy dla hetaha — adsutnaść pośpiechaŭ i pieramoh ułady i apazicyi pryviało krainu da ciažkaha ekanamičnaha i palityčnaha stanovišča», — adznačaje Kanapackaja.
«Hod majho deputactva prademanstravaŭ, što pieramieny nie prosta mahčymyja, amal usio hatova dla ŭvasableńnia ich u žyćcio. Ale adnaho majho hołasa mała, mnie nieabchodnaja padtrymka bolšaści hramadzian respubliki», — piša deputatka.
Ruch Kanapackaj budzie nazyvacca «Napierad, Biełaruś!» Pa jaje słovach, heta «pryncypova novy palityčny ruch u krainie». Metami nazyvajecca toje, što ruch budzie abaraniać pravy hramadzian u dziaržaŭnych orhanach, a taksama atrymańnie deputackaj bolšaści ŭ parłamiencie.
Adznačajecca, što struktura «Napierad, Biełaruś!» budzie haryzantalnaj. «Kampanija finansujecca šlacham zboru srodkaŭ na svaju dziejnaść — kraŭdfandynha, nie źjaŭlajecca zakładnikam palityki lubych fondaŭ, arhanizacyj i pryvatnych asob, jakija dyktujuć praz pradstaŭlenyja resursy svaje ŭmovy», — havorycca ŭ zajavie.
Kanapackaja abiacaje, što kampanija budzie štomiesiac spravazdačycca ab patračanych srodkach i vykananaj rabocie. «Nijakich pasadaŭ u ruchu nie budzie, my damo spravazdaču za kožnuju kapiejku», — abiacaje deputatka.
Ciapier ruch dekłaruje aktyŭny ŭdzieł u miascovych vybarach.
Lidar AHP Anatol Labiedźka adznačyŭ, što Hanna Kanapackaja nie kaardynavała ź im ideju stvareńnia novaha ruchu.
