Pahanstva
Z 16 da 30 vieraśnia ŭ art‑halerei «Padziemka» (pr-t Niezaležnaści,43) budzie pracavać vystava fatohrafa Andreja Lankieviča «Pahanstva».
Žyvučy ŭ chryścijanskaj tradycyi, my nie zaŭsiody razumiejem, što jana źjaviłasia paśla dvaccaci tysiačahodździaŭ pahanskich vieravańniaŭ i tabu. Andrej Lankievič pry dapamozie fatahrafii pakazvaje pahanskija tradycyi i zvyčai, jakija da hetaha času isnujuć u Biełarusi.
Adkryćcio vystavy: 15 vieraśnia a 18‑j.
Bijenale žyvapisu, hrafiki i skulptury
U Pałacy mastactva da 24 vieraśnia pracuje I Biełaruskaje bijenale žyvapisu, hrafiki i skulptury. Na vystavie pakazanyja najlepšyja tvory siabroŭ Biełaruskaha Sajuzu mastakoŭ za apošnija dva hady.
Pałac mastactvaŭ
Miensk, vuł. Kazłova, 3; st. m. Płošča Pieramohi
Aŭt – Ndz 11:00 – 19:00
Cana kvitkoŭ – 4000 rub.
ilhotny kvitok dla studentaŭ – 3000 rub.
ilhotny kvitok dla školnikaŭ i pensijaneraŭ – 2500 rub.
Teł.: (017) 288.15.49; (017) 290.60.10
Narodžany Biełaruskim Paleśsiem
U Mastackim muzei da 6 kastryčnika pracuje vystava Haŭryiła Vaščanki «Narodžany Biełaruskim Paleśsiem», prymierkavanaja da 80‑hodździa mastaka.
Tvorčaść biaź miežaŭ
U Muzei historyi i kultury Biełarusida 19 kastryčnika pracuje fotamarafon «Tvorčaść biaź miežaŭ», padčas jakoha adbuducca persanalnyja vystavy siabroŭ Narodnaha fataklubu «Miensk».
Recha niaśpietaj pieśni
U małoj zali Muzeju sučasnaha vyjaŭlenčaha mastactva da 22 vieraśnia pracuje vystava «Recha niaśpietaj pieśni» Łarysy Palakovaj.
Majo viasielle
U kinateatry «Pieramoha» (Internacyjanalnaja, 20) da 20 vieraśnia pracuje fotavystava «Majo viasielle» Słavy Potałach.
Palitra dušy
U Muzei historyi biełaruskaha kino (Śviardłova, 4) da 17 vieraśnia pracuje vystava biseru i batyku «Palitra dušy».
Pravasłaŭnyja abrazy Rasiei, Ukrainy, Biełarusi
U Mastackim muzei da 9 listapada pracuje vystava «Pravasłaŭnyja abrazy Rasiei, Ukrainy, Biełarusi». Na joj možna ŭbačyć abrazy z Traciakoŭskajaj halerei, Kijeva‑Piačorskaha histaryčna‑kulturnaha zapaviednika, Mastackaha muzeju Biełarusi.
Žyvapis sučasnych biełaruskich mastakoŭ
Z 1 da 13 vieraśnia ŭ mastackaj halerei «ŁaSandr‑art» (Ramanaŭskaja słabada, 24) pracuje vystava «Žyvapis sučasnych biełaruskich mastakoŭ».
Art‑Bulba
Hałoŭny abjekt vystavy, viadoma, bulba. I nie vypadkova, bo hety hod u AAN adznačany jak hod usim nam viadomaj harodniny. Jak kažuć arhanizatary: «Dla nas bulba — heta nia prosta harodnina i nia prosta pradukt charčavańnia, choć, miž inšaha, Biełaruś zajmaje 1‑ie miesca ŭ śviecie pa spažyvańni hetaha kaliści paŭdniovaamerykanskaha praduktu. Pryčym biełarusu nie zamieniać bulbu ni rys, ni makarona, ni, tym bolš, paŭsiudnaja soja. Usienarodnaja akcyja pa pasadcy j zbory bulby — heta dzieja, jakuju možna paraŭnać pa svajoj estetycy z pryniataj u Japonii tradycyjaj lubavańnia kvitniejučaj sakuraj. U ciapierašni čas sadžańnie‑kapańnie bulby nosić nia tak praktyčny charaktar, jak charaktar dałučeńnia da rodnaj pryrody. Jak ni dziŭna, da hetaha času bulba nia tak časta stanaviłasia abjektam biełaruskaj mastackaj prastory. Dadzieny prajekt paklikany zapoŭnić hety prahał u kulturnym žyćci našaha hramadztva». U Mastackaj halerei buduć pradstaŭlenyja ŭsie typy tvorčaści: ad fatazdymkaŭ až da skulptury. Vystava budzie pracavać z 6 vieraśnia, akramia niadzieli j paniadziełka. Mastackaja halereja mieścicca ŭ Pałacy Respubliki pa adrasie Kastryčnickaja płošča, 1.
Lapis Trubiackoj
14 vieraśnia ŭ Viciebskim letnim amfiteatry «Lapis Trubiackoj» prezentuje prahramu «Manifest». Pačatak a 18‑j. Kvitki: 10 000—50 000 rub.
Pieranos kancertaŭ N.R.M.
Kancerty N.R.M. u «Hrafici», zaplanavanyja na 15 i 16 vieraśnia, pieraniesienyja, adpaviedna, na 14 i 16 kastryčnika.
Kancert pamiaci Vaškieviča z udziełam Vajciuškieviča, «Kramy» i «Pałacu»
19 vieraśnia ŭ KZ «Miensk» projdzie kancert pamiaci rok‑muzyki, lidera hurta «Luboŭ i sport» Andreja Vaškieviča, jakoha nia stała sioleta. U kancercie voźmuć udzieł «Krama», Rusia, Źmicier Vajciuškievič, «Pałac», «Klondajk», «Atmaravi», Vitalik Artyst, «Srebnaje viasielle». Sabranyja srodki buduć pieradadzienyja siamji Andreja Vaškieviča. Košt kvitkoŭ: 10 000—35 000
