Novaja data vizitu jeŭrakamisara pa Jeŭrapiejskaj palitycy susiedstva i pieramoŭ ab pašyreńni ES Jochanesa Chana ŭ Minsk nie vyznačana, ale jon na hetym tydni sustreniecca z premjer-ministram i namieśnikam kiraŭnika MZS Biełarusi na mižnarodnych mierapryjemstvach.
Pra heta žurnalistam paviedamiła kiraŭnik pradstaŭnictva ES u Biełarusi Andrea Viktaryn, piša BiełTA.
Z premjer-ministram Andrejem Kabiakovym sustreča jeŭrakamisara pavinna adbycca 27 kastryčnika ŭ Luksiemburhu, dzie adbudziecca Biełaruska-jeŭrapiejski inviestycyjny forum. Sustreča z namieśnikam ministra zamiežnych spraŭ Biełarusi Aleham Kraŭčankam projdzie padčas mierapryjemstvaŭ «Uschodniaha partniorstva» ŭ Talinie 25—27 kastryčnika.
Jak paviedamlałasia, Chan 17 kastryčnika mieŭsia prybyć u Biełaruś z rabočym vizitam. Adnak zatym vizit byŭ pieraniesieny.
ES: Zaležyć ad biełaruskaha boku, ci pajedzie Łukašenka na samit Uschodniaha partniorstva
