Čynoŭniki Jeŭrakamisii, u siarednim, padajuć adnu skarhu ab seksualnych damahańniach suprać svaich kaleh štomiesiac na praciahu apošnich piaci hadoŭ, piša The Telegraph.
Pavodle danych krynic, z 2012 hoda naličvajecca 65 skarhaŭ, u vyniku jakich było vystaŭlenaje «dyscyplinarnaje spahnańnie za nieadpaviednaje pavodziny» dla 20 supracoŭnikaŭ JEK.
Pry hetym za apošnija piać hadoŭ čatyry vypadki ŭ hod u siarednim pryviali da sankcyj — mienš za tracinu z tych, ab jakich paviedamlałasia. Sapraŭdnyja uzroŭni seksualnych damahańniaŭ, imavierna, značna vyšejšyja, bo achviary nie paviedamlajuć pra pieraśled. U samoj kamisii zajaŭlajuć, što majuć «nulavuju ciaplivaść da lubych formaŭ damahańniaŭ».
Raniej jeŭradeputaty paviedamili ab vypadkach seksualnych damahańniaŭ ŭ Jeŭraparłamiencie. Tak, pradstaŭnik frakcyi «zialonych», niamiecki palityk Tery Rajntkie zajaviła, što padobnaha rodu pryhniot na pracoŭnym miescy — žudasny prykład pieravyšeńnia słužbovych paŭnamoctvaŭ.
Navat u Jeŭraparłamiencie, «u sercy jeŭrapiejskaj demakratyi», žančyny padviarhajucca seksualnym damahańniam, zajaviła polski kansiervatar Jadviha Viśnieŭska, dadaŭšy, što paciarpiełyja žančyny pavinny, narešcie, parušyć maŭčańnie i hučna skazać «chopić». Sa svajho boku pradstaŭnik šviedskich «zialonych» Malin Bjork vykazała niezadavolenaść «kulturaj mačo» ŭ Jeŭraparłamiencie.
-
Na abvinavačańni ŭ chłuśni Atlantic apublikavaŭ novyja skrynšoty z uradavaha čata ŭ Signal. Tramp adkazaŭ novymi abrazami ŭ adras hałoŭnaha redaktara
-
Zialenski spadziajecca, što ZŠA nie sastupiać patrabavańniam Rasii ab źniaćci sankcyj
-
Novaja apieracyja handlovaj vajny: Donald Tramp uvodzić 25-pracentnyja pošliny na impart aŭtamabilaŭ
Kamientary