Kiraŭnictva sietki mikrabłohaŭ Twitter paviedamiła ab uviadzieńni novych praviłaŭ raźmiaščeńnia ŭsich rekłamnych abjaŭ, uklučajučy palityčnuju rekłamu, paviedamlaje DW. «U bližejšyja tydni my zapuścim viadučy ŭ halinie centr prazrystaści», — havorycca ŭ zajavie kampanii, raźmieščanaj u jaje aficyjnym błohu.
Na śpiecyjalnym sajcie ŭsie karystalniki zmohuć atrymać infarmacyju ab usich rekłamnych abjavach u Twitter, u pryvatnaści, ab tym, chto i jak daŭno ich raźmiaściŭ, a taksama ab inšych abjavach u ramkach dadzienaj rekłamnaj kampanii i metavaj aŭdytoryi. Akramia taho, palityčnaja rekłama budzie paznačacca admysłovym čynam.
Karystalniki sacsietki taksama zmohuć paskardzicca kiraŭnictvu Twitter na lubuju rekłamnuju abjavu, paśla hetaha jana budzie razhledžanaja śpiecyjalistami i ŭ vypadku parušeńniaŭ vydalenaja, paviedamiła dalej kampanija. Rekłamadaŭcy, jakija parušajuć praviły raźmiaščeńnia rekłamy, buduć padviarhacca štrafnym mieram. Adzin z adździełaŭ novaha centra prazrystaści budzie zajmacca abjavami ŭ ramkach pieradvybarčaj ahitacyi.
«U ciapierašni čas u našaj halinie niama dakładnych praviłaŭ dla raźmiaščeńnia palityčnaj rekłamy, adnak kiraŭnictva Twitter maje namier supracoŭničać z kampanijami-partniorami, inšymi lidarami haliny i palitykami pa pošuku novaha padychodu da prazrystaści rekłamnych abjavaŭ palityčnaha charaktaru», — havorycca dalej u zajavie.
