Va Ukrainie zatrymali 29-hadovaha hramadzianina Rasii i jaho znajomuju, hramadzianku Biełarusi, jakija pieravozili ŭ svaim aŭtamabili 2,6 kiłahrama hierainu.
Jak paviedamili Svabodzie ŭ palicyi Kijeŭskaj vobłaści, zatrymanym pahražaje da vaśmi hadoŭ pazbaŭleńnia voli zhodna z artykułam 307 Kryminalnaha kodeksa Ukrainy.
Narkatyčnyja rečyvy nakiravanyja na ekśpiertyzu, a śledčyja vyśviatlajuć adkul i kudy pierapraŭlaŭsia hety hruz, a taksama funkcyi, jakija vykonvali kožny z zatrymanych.
«Ciapier zatrymanyja znachodziacca va ŭpraŭleńni palicyi Irpienia, a paźniej sud maje abrać dla ich formu strymańnia. My budziem nastojvać na ichnym aryšcie», — skazaŭ śpikier palicyi Kijeŭskaj vobłaści Mikoła Žukovič. U toj ža čas jon admoviŭsia ŭdakładnić proźvišča biełaruskaj hramadzianki.
