Vialikaje žury prysiažnych, sklikanaje ŭ ZŠA śpiecprakuroram Robiertam Miuleram, u piatnicu ŭchvaliła pieršyja abvinavačvańni ŭ rasśledavańni mierkavanaha ŭmiašańnia Rasii ŭ amierykanskija vybary. Pra heta paviedamlaje Si-en-en i paćviardžajuć krynicy inšych ŚMI, paviedamiła Bi-bi-si.
Surazmoŭcy telekampanii Si-en-en udakładnili, što toj, kamu vystaŭlenyja abvinavačvańni, užo ŭ paniadziełak moža apynucca pad vartaj. Adnak da hetaha času niezrazumieła, suprać adnaho abo niekalkich fihurantaŭ hetyja abvinavačvańni vystaŭlenyja.
U čym ich sutnaść, taksama pakul nieviadoma. Aficyjnyja kamientary Si-en-en atrymać nie ŭdałosia.
Miuler byŭ pryznačany śpiecprakuroram ŭ mai, kab pravieści rasśledavańnie mahčymaha ŭmiašańnia Rasii ŭ prezidenckija vybary ŭ ZŠA ŭ 2016 hodzie, na jakich pieramoh Donald Tramp. Heta adbyłosia paśla taho, jak Tramp zvolniŭ dyrektara FBR Džejmsa Komi.
U pačatku žniŭnia Miuler sklikaŭ fiederalnaje vialikaje žury prysiažnych.
U piatnicu klučavyja jurysty, jakija ŭdzielničajuć u rasśledavańni Miulera, byli zaŭvažanyja ŭ fiederalnym sudzie, dzie zasiadaje žury. Žurnalisty zaŭvažyli značnuju aktyŭnaść, ale nie zmahli atrymać aficyjnyja kamientary.
Hazieta The Wall Street Journal sa spasyłkaj na ludziej, znajomych ź situacyjaj, paćviardžaje, što pa mienšaj miery adnamu čałavieku ŭ piatnicu było vystaŭlena abvinavačvańnie ŭ ramkach rasśledavańnia śpiecprakurora Miulera. Hety čałaviek moža być uziaty pad vartu ŭ paniadziełak, taksama kažuć krynicy vydańnia, jaho asobu vyśvietlić nie ŭdałosia.
Ahienctva Rojterz sa spasyłkaj na svaju krynicu udakładniaje, što uchvalenaje vialikim žury zaklučeńnie było apiačatana pa zahadzie fiederalnaha sudździ. Tamu jaho sutnaść i proźvišča abvinavačanaha možna budzie daviedacca ŭ paniadziełak, kali budzie adčynieny pakiet.
U studzieni śpiecsłužby ZŠA zajavili, što Rasija ŭmiešvałasia ŭ vybarčuju kampaniju ŭ 2016 hodzie, sprabujučy spryjać abrańniu Trampa i parazie jaho supiernicy Chiłary Klintan. Były dyrektar FBR Miuler pavinien vyśvietlić, ci mieŭ dačynieńnie da hetaha sam Tramp i ludzi ź jaho atačeńnia.
Raniej Tramp i Kreml kateharyčna adprečvali padazreńni ŭ tym, što pamiž imi mahła być zmova.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ7
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1818
Kamientary