U časie pierapisu nasielnictva iznoŭ spytajuć pra movu. Farmuloŭka pytańnia ŭ paraŭnańni z 1999 hodam nie źmianiłasia.
Čarhovy pierapis nasielnictva adbudziecca z 14 pa 24 kastryčnika 2009 hodu. Heta budzie druhi ŭ historyi niezaležnaj Biełarusi pierapis.
Jak paviedamiła «NN» načalnik upraŭleńnia pierapisu nasielnictva Ministerstva statystyki i analizu Śviatłana Navasiołava, respandentam prapanujuć siarod inšych i pytańni, što datyčać vałodańnia movami. Farmuloŭka pytańniaŭ u paraŭnańni z 1999 hodam nie źmianiłasia: jakuju movu vy ličycie rodnaj, na jakoj movie razmaŭlajecie ŭ doma, i jakimi inšymi movami vałodajecie.
Ankiety dla pierapisu składzienyja na biełaruskaj i rasiejskaj movie. Prava vybaru, na jakoj adkazvać na pytańni, zastajecca za respandentam.
Charaktar i źmiest pytańniaŭ pierapisnych listoŭ raspracavany z ulikam nacyjanalnych intaresaŭ i rekamendacyj, padrychtavanych Statystyčnaj kamisijaj AAN sumiesna z Eŭrapiejskaj ekanamičnaj kamisijaj i Statystyčnym upraŭleńniem Eŭrapiejskich supolnaściaŭ, paviedamlajecca na sajcie Minstatu.
