Tvitar-akaŭnt prezidenta ZŠA z 41 miljonam padpisčykaŭ byŭ učora viečaram pa vašynhtonskim časie vydaleny z sacsietki pracaŭnikom kampanii, jaki pakryŭdziŭsia na svajo zvalnieńnie. Imia ciapier užo byłoha pracaŭnika pakul nie raskryvajecca, paviedamlaje CNN.
Ciaham 11 chvilin prezidencki tvitar nie isnavaŭ, ale paśla byŭ adnoŭleny kampanijaj. Sam Tramp napisaŭ u piatnicu z ranicy va ŭžo adnoŭlenym akaŭncie: «Moj Tvitar-akaŭnt byŭ vydaleny na 11 chvilin pracaŭnikom kampanii, jaki ŭzbuntavaŭsia».
Ekśpierty CNN u ranišnim piatničnym efiry telekanału zadajucca pytańniem — nakolki pravilna pracuje sistema ŭnutranaj biaśpieki Tvitara, kali adzin pracaŭnik u stanie samastojna vydalić akaŭnt prezidenta ZŠA — i nakolki biaśpiečny śviet u tym vypadku, kali hety akaŭnt zamiest vydaleńnia — byŭ by pierachopleny niejkimi złamyśnikami.
