Paśla aryštu saudaŭskich pryncaŭ cana nafty dasiahnuła maksimumu za dva hady
Košt barala nafty marki Brent padčas tarhoŭ 6 listapada dasiahnuŭ adznaki $62,87, što prykładna na 1,3% vyšej za ŭzrovień zakryćcia papiarednich tarhoŭ. U apošni raz daražej baral Brent kaštavaŭ u pačatku lipienia 2015 hoda.
Analityki Bloomberg adznačajuć, što rost naftavych kacirovak praciahvajecca na fonie praviedzienych u Saudaŭskaj Aravii aryštaŭ šerahu členaŭ karaleŭskaj siamji, siarod jakich apynuŭsia i siabra praŭleńnia naftavaj kampanii Saudi Aramco, były kiraŭnik Ministerstva finansaŭ karaleŭstva Ibrahim al-Asaf.
Na dumku ekśpiertaŭ, sieryja aryštaŭ zaklikanaja ŭmacavać stanovišča naślednaha prynca Saudaŭskaj Aravii Muchamieda bien Salmana, jaki viadomy jak prychilnik skaračeńnia kvot Arhanizacyi krain-eksparcioraŭ nafty.
Kamientary