Siońnia, 9 listapada, kala 8:00 u Śvisłackim rajonie adbyłosia DTZ z udziełam aŭtobusa adnoj z vajskovych častak Bresckaha harnizona, piša Hrodzienskaja praŭda.
Jak raspavioŭ namieśnik kamandujučaha vojskami Zachodniaha apieratyŭnaha kamandavańnia pałkoŭnik Anatol Bułaŭka, u aŭtobusie znachodziŭsia 21 čałaviek. Aficery z Bresta nakiroŭvalisia na płanavyja mierapryjemstvy ŭ Hrodnie. Na trasie Brest — Hrodna kala Śvisłačy kiroŭca nie spraviŭsia z kiravańniem, u vyniku čaho aŭtobus źjechaŭ u kiuviet, jość paciarpiełyja. Aŭtobusam kiravaŭ vadziciel z tryccacihadovym stažam z hramadzianskaha piersanału.
Usie paciarpiełyja byli dastaŭlenyja ŭ Śvisłackuju rajonnuju balnicu. Jak paviedamiŭ hałoŭny doktar Illa Turko, paśla doktarskaha ahladu dziesiać čałaviek špitalizavany.
— Nichto z paciarpiełych u reanimacyjnych mierapryjemstvach nie mieŭ patreby. U čatyroch — roznyja pierałomy, ale surjoznaj pahrozy zdaroŭju niama. U balnicy jość usio nieabchodnaje, kab akazać patrebnuju dapamohu, — adznačyŭ Illa Turko. - Z Hrodna da nas pryjechała bryhada daktaroŭ — śpiecyjalistaŭ vysokaj kvalifikacyi. Jany praviaduć bolš pahłybleny ahlad pacyjentaŭ.
Pa fakcie DTZ pravodzicca pravierka.
