My nie dzielim Rasiju i Biełaruś pa miežach, a sprabujem pabudavać niešta ahulnaje, zajaviŭ Alaksandr Łukašenka siońnia na sustrečy z hubiernataram Kalininhradskaj vobłaści Rasii Antonam Alichanavym, piša BiełTA.
«Spadziajusia, my budziem i dalej raźvivać našy adnosiny mienavita ŭ tym klučy, što my ludzi nie čužyja, u nas adzinaja baćkaŭščyna. My nie dzielim Rasiju i Biełaruś pa miežach, a sprabujem pabudavać niešta ahulnaje — nazvali jaho Sajuznaj dziaržavaj», — skazaŭ Alaksandr Łukašenka.
Jon źviarnuŭ uvahu na asobnyja pytańni, ź jakimi sutykajecca jak Biełaruś, tak i Kalininhradskaja vobłaść, a ŭ jaje asobie Rasija.
«Toje, što adbyvajecca na miežach ź Biełaruśsiu, — heta lustrany adbitak miažy z Kalininhradam. My sutykajemsia tvar u tvar, łob u łob z aktyvizacyjaj NATA. Dy i ŭ ekanomicy, viedajecie, u handli kožny pieraśleduje tam svaje intaresy. Nie skažu, što jany nas užo vielmi lubiać — i vas, i nas, Rasiju i Biełaruś. Tamu, jak by tut nie abmiarkoŭvali hetyja pytańni, nie rabili nas prazachodnimi i hetak dalej, my vydatna razumiejem, što heta rytoryka. A kankretnyja fakty kažuć pra toje, što nam niama na kaho raźličvać, nam, biełarusam i rasijanam, treba bačyć svoj intares, cikavaść svaich narodaŭ», — padkreśliŭ kiraŭnik dziaržavy.
«Vy zaŭsiody možacie raźličvać na Biełaruś. U ciažkuju chvilinu my zaŭsiody padstavim plačo», — zajaviŭ Alaksandr Łukašenka.
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary