Francyja źbirajecca ŭnieści źmieny ŭ svaje zakony pra ŭzrost seksualnaj zhody, zajaviła ministr pa pytańniach hiendernaj roŭnaści, paviedamlaje BBC.
Ministr Marlen Šyjapa skazała, što ŭrad razhladaje mahčymaść ŭstanaŭleńnia fiksavanaha ŭzrostu, nižej za jaki seks aŭtamatyčna stanovicca surjoznym kryminalnym złačynstvam.
Rašeńnie ab źmienie zakona było pryniata paśla dvuch vypadkaŭ, kali darosłyja mužčyny byli apraŭdanyja sudami paśla zhvałtavańnia dźviuch 11-hadovych dziaŭčynak.
Zaraz u Francyi ŭzrost zhody składaje 15 hadoŭ, ale prakuroram uvieś čas davodzicca dakazvać, što seks z zahadzia niepaŭnaletnim byŭ naviazany, kab asudzić hvałtaŭnika.
Zhodna ź ciapier dziejučym zakonam, u Francyi, kali nie byŭ dakazany hvałt abo prymus, asobam, jakija mieli seksualny kantakt ź niepaŭnaletnim moža być pradjaŭlena tolki abvinavačańnie ŭ seksualnym ździeku nad niepaŭnaletnim, a nie ŭ zhvałtavańni. Taki čałaviek moža być pakarany štrafam u 75 tysiač jeŭra abo turemnym źniavoleńniem na termin da piaci hadoŭ.
Ministr zajaviła, što jaje ŭrad abmiarkoŭvaje ciapier takija źmieny ŭ zakon, kab seks ź niepaŭnaletnim pamiž 13 i 15 hadami aŭtamatyčna razhladaŭsia jak zhvałtavańnie.
Ministr Marlen Šyjapa
Na mižnarodnym uzroŭni aficyjna ŭstalavanaha ŭzrostu zhody nie isnuje, adnak u bolšaści krain hety ŭzrost, jak praviła, składaje kala 16 hadoŭ, a orhan AAN pa pravach čałavieka zaklikaje krainy abaraniać dziaciej ad seksualnaj ekspłuatacyi.
