U minułuju niadzielu mužčyna prynios siamimiesiačnaha ščaniuka chaski ź pierałomami kaściej taza ŭ adnu ź vietklinik Minska. Zajaviŭšy, što jon haspadar sabaki, prasiŭ zrabić renthien, a paźniej cikaviŭsia: ci možna jahonaha hadavanca ŭsypić. Pačuŭšy admoŭny adkaz, uładalnik syšoŭ padumać. Bolš na suviaź ź vieterynarami jon nie vychodziŭ, paviedamlaje Tut.by.
Hreta. Fota: sacsietki
Da taho, jak mužčyna pakinuŭ kliniku, doktar rastłumačyŭ jamu, jakaja apieracyja patrebna jahonamu sabaku. Raspavioŭ pra ryzyki i mahčymuju invalidyzacyju. Uładalnik nie staŭ ničoha apłočvać, paprasiŭ harantyj taho, što chirurhičnaje ŭmiašańnie projdzie dobra. Lekary nie mahli ničoha abiacać. Mužčynu heta aburyła, a paźniej jon pačaŭ raspytvać pra eŭtanaziju dla Hrety. Atrymaŭšy admovu, jon syšoŭ nazaŭsiody, pryčym biez sabaki.
«Unačy my nie pracujem, ale valavym vysiłkam pakinuli žyviolinku ŭ siabie. Karmiŭ i paiŭ jaje vartaŭnik», — skazała dyrektar vietkliniki Alena Hucina. Jana asabista sprabavała źviazacca z haspadarom Hrety, ale toj kidaŭ słuchaŭku. U vyniku pradstaŭniki kliniki vyklikali milicyju i napisali na jaho zajavu za žorstkaje abychodžańnie z žyviołami.
«Čałaviek pakinuŭ svajho pierałamanaha, biezdapamožnaha siabra adnaho i pajšoŭ. Chiba heta nie žorstkaje abychodžańnie z žyviołami?» — ličyć dyrektar.
Zaraz hetaj spravaj zajmajecca Zavodskaje RUUS Minska. U pres-słužbie viedamstva paviedamlajuć, što pa hetym fakcie pravodzicca pravierka. Jašče ŭ paniadziełak Hretu zabrali da siabie vałanciory. Jany ž apłacili apieracyju.
