Reuters.com
Apošniaj ź jeŭrapiejskich krain na čempijanat śvietu vyjšła Danija, jakaja ŭ stykach vyniesła Irłandyju — 5:1. Usio vyrašyŭ hałoŭny dacki futbalist apošniaha dziesiacihodździa Kryścijan Eryksen, jaki ŭ matčy ŭ adkaz u Dublinie aformiŭ chiet-tryk.
Ahulnaja statystyka Eryksena prosta fantastyčnaja.
Jon zabiŭ u kvalifikacyi 11 miačoŭ — stolki ž u Ramełu Łukaku, bolš tolki ŭ Kryšcijanu Ranałdu (15) i Robierta Levandoŭskaha (16).
Nivodny inšy paŭabaronca nie zabiŭ u adbory navat 6 hałoŭ.
15 miačoŭ u apošnich 15 hulniach za zbornuju. Zabiŭ u 7 z apošnich 8 matčaŭ za Daniju.
Zabivaje abiedźviuma nahami: 2 miačy Irłandyi — pravaj nahoj, 1 — levaj.
U sumie ŭ Eryksena 21 miač za zbornuju Danii — bolš, čym va ŭładalnika «Załatoha miača» —1977 Ałana Simansena i stolki ž, kolki ŭ znakamitaha Denisa Ramiedala. Eryksenu ŭsiaho 25 hadoŭ, i svoj 21 hoł jon zabiŭ u 74 matčach (u Ramiedala — 126).
Eryksen vydatny i ŭ APŁ — z taho času, jak jon pierajechaŭ u «Totenchem» u 2013-m, bolšy za jaho halavych momantaŭ stvaryŭ tolki Miesut Aził. Navat u Davida Silvy i Edena Azara pakazčyk mienšy.
Pra svaje hulniavyja pryncypy Eryksen, vyhadavany ŭ «Ajaksie» u tym liku Denisam Bierhkampam, raspaviadaŭ: «Ja lublu stvarać momanty i šukać varyjanty ŭ składanych situacyjach. Mnie zdajecca, u mianie jość zdolnaści da hetaha. I partniory taksama viedajuć, što kali daduć mnie miač, to atrymajuć jaho nazad u zručnym stanoviščy, u patrebny čas i z patrebnaj chutkaściu. Hałoŭnaje — adčuvać suviaź z hulcami».
