Elektrahruzavik Tesla Semi Truck zmoža prajechać biez padzaradki da 800 km, a dla taho, kab prajechać jašče kala 650 km, jamu chopić usiaho paŭhadzinnaj zaradki, śćviardžaje Mask. Pry maksimalnaj zahruzcy ŭ 36 ton Semi Truck moža razahnacca da 100 km/h za 20 siekund, a biez hruzu — usiaho za piać.
Tesla Semi Truck abstalavany sistemaj aŭtapiłota, pry jakoj hruzaviki zmohuć samastojna ruchacca ŭ aŭtakałonach, dzie tolki pieršaj mašynie spatrebicca kiroŭca. Heta, viadoma, zrobić hruzapieravozki tańniejšymi.
Vytvorčaść elektrahruzavika płanujuć pačać u 2019 hodzie. Košt pakul nieviadomy.
Paśla prezientacyi hruzavika była taksama pradstaŭlenaja novaja lehkavaja madel Tesla Roadster — paŭnapryvadny spartyŭny aŭtamabil z adkidnym viercham.
Na im možna razahnacca da 100 km/h mienš, čym za dźvie siekundy, a jaho maksimalnaja chutkaść — 400 km/h. Biez padzaradki Roadster zdolny prajechać da tysiačy kiłamietraŭ.
Tysiača pieršych Tesla Roadster buduć kaštavać 200 tysiač dalaraŭ. Prodažy pačnucca ŭ 2020 hodzie.
Amierykanskaja kampanija Tesla Motors — vytvorca elektramabilaŭ premium-siehmientu, akumulataraŭ i soniečnych batarej. Była zasnavanaja ŭ 2003 hodzie i ličycca zakanadaŭcam mody ŭ elektryčnym aŭtamabilebudavańni.
