U Biełarusi raspracoŭvajecca prajekt ukaza, nakiravanaha na stymulavańnie kupli biełarusami aŭtamabilaŭ «Džyli», jakija nieŭzabavie pačnuć schodzić z kanviejeru adkrytaj pad Barysavym fabryki, paviedamlaje BIEŁTA.
Geely Atlas
«Dumaju, znojdziem dobryja varyjanty. U najbližejšy čas hety dakumient vyjdzie» — skazaŭ kiraŭnik dziaržavy padčas sioniašniaha vizita na fabryku «Biełdžy». Raspracoŭvajucca raznastajnyja varyjanty, u tym liku prodaž u kredyt adterminoŭkaj płaciaža i lizinha.
Patencyjalnaja mahutnaść pradpryjemstva — 60 tysiač aŭtamabilaŭ na hod. Da kanca hetaha hodu z kanviejera maje źjechać kala 2 tysiač «Džyli» roznych madelaŭ. U nastupnym hodzie aŭtaŭ maje paboleć da 25 tysiač, a ŭ 2019 — da 35 tysiač. Adpusknyja ceny pakul nie abviaščalisia.
Novaja fabryka budzie vypuskać pa poŭnym technałahičnym cykle GeelyAtlas, NL3, NL4 i siedan FE3.
