Jak paviedamlaje CBS, Mensan pamior va ŭzroście 83 hadoŭ u balnicy kalifarnijskaha horada Bejkierfiłd. Tudy jon byŭ pieraviedzieny z turmy Karkaran, u jakoj adbyvaŭ dzieviać pažyćciovych źniavoleńniaŭ. Infarmacyju pra śmierć adnaho z samych viadomych złačyncaŭ u historyi ZŠA kanału paćvierdziła siastra Mensana.
Čarlz Mensan staŭ viadomy ŭ kancy 1960-ch. Tady hitaryst-amatar, niekatory čas vystupaŭ u hrupie Beach Boys, arhanizavaŭ u Kalifornii kamunu pad nazvaj «Siamja», čalcy jakoj ŭžyvali narkotyki i pakłanialisia djabłu. Akramia hetaha jany pa ŭkazańni Mensana ździajśniali zabojstvy. Sam lidar siekty, jak vyznačyŭ sud, taksama zabiŭ niekalki čałaviek.
Adnoj ź pieršych achviaraŭ bandy była ciažarnaja žonka režysiora Ramana Palanskaha Šeran Tejt.
Dalej byli viadomyja ŭ Łos-Andželesie ludzi: miascovy elitny cyrulnik, uładalnik kaviarni, a taksama tyja, na kaho Mensan kaliści zataiŭ kryŭdu.
U vyniku palicyi ŭdałosia vyjavić złačyncaŭ i aryštavać usich členaŭ «Siamji». Ad śmiarotnaj kary členaŭ kamuny vyratavała tolki toje, što jaje admianili ŭ Kalifornii ŭ 1972 hodzie. U vyniku Mensan sud zamianiŭ vyšejšuju mieru na dzieviać pažyćciovych terminaŭ.
Kamientary