Žury premii imia Natalli Arsieńnievaj vyznačyłasia z karotkim śpisam pretendentaŭ na ŭznaharodu za najlepšuju knihu paezii, paviedamlaje Biełaruski PEN-centr
U jaho ŭvajšli:
Viktar Žybul «Dziacieł i dupło»
Hanna Komar «Strach vyšyni»
Nasta Kudasava «Majo nievymaŭla»
Uładzimir Niaklajeŭ «Tolki vieršy»
Siarhiej Pryłucki «Patryjatyzm dla čajnikaŭ»,
Michaś Skobła «Kamizelka dla miesiaca»
Andrej Chadanovič «Ciahnik Čykaha-Tokijo»
Julija Cimafiejeva «Cyrk»
Pieramožca budzie nazvany na cyrymonii ŭznaharodžańnia, jakaja adbudziecca ŭ śniežni. Pra čas i miesca ŭručeńnia premii budzie paviedamlena dadatkova.
Premija za najlepšuju paetyčnuju knihu zasnavanaja ŭ honar vydatnaj biełaruskaj paetki Natalli Arsieńnievaj. Paśla vajny Arsieńnieva apynułasia ŭ emihracyi, dzie praciahvała zajmacca biełaruskaj spravaj, udzielničała ŭ kulturnaj i aśvietnickaj dziejnaści.
Suzasnavalnikami premii źjaŭlajucca Sajuz biełaruskich piśmieńnikaŭ, Biełaruski PEN-centr i Zhurtavańnie «Baćkaŭščyna».
Litaraturnaja premija imia Natalli Arsieńnievaj zasnavanaja pry spryjańni Fonda kultury i adukacyi Orsa-Ramana i Charytatyŭnaha fonda Zhurtavańnia biełarusaŭ Vialikaj Brytanii. Sioleta premija budzie ŭručacca ŭpieršyniu, ale płanujecca, što jana stanie štohadovaj.
