Raboty pa ramoncie ściany i dachu Kałožskaj carkvy štodnia viaduć supracoŭniki «Hrodnažyłbuda». Arhanizacyja płanuje zaviaršyć hałoŭny etap ramontnych rabot da kanca 2017 hoda, piša hrodna.life
Zaraz iduć raboty pa ŭciapleńni i ŭzmacnieńni dachu, abšyŭcy vonkavaj ściany, taksama rabočyja prystupili da ramontu padłoh. U bližejšy čas płanujucca raboty pa ŭmacavańni padmurka vonkavaj ściany.
«Abjekt składany, bo histaryčny, treba da jaho staranna stavicca. Važna zachavać toje, što jość. Novaja ściana ŭžo zamacavana i zabietanavana, budziem chutka abšyvać jaje śpiecyjalnymi doškami, jakija ciapier vyrablajucca. My spadziajemsia ramontu ścieny chopić nie mienš, čym na 100 hadoŭ, ale nam dajuć prahnoz, što i 200 zmoža prastajać», — adznačyŭ hałoŭny inžynier «Hrodnažyłbuda» Śviatasłaŭ Navicki.
Ramont Kałožskaj carkvy pačalisia ŭ kastryčniku 2017 hoda. Sponsaram rabot histaryčnaha budynka vystupiŭ prezidencki fond pa padtrymcy kultury i mastactva