Naprykancy minułaha tydnia na aŭtadarozie «Homiel—Uryckaje» 47-hadovy žychar Homielskaha rajona sprabavaŭ uručyć chabar u sałonie patrulnaj mašyny DAI, ale patrapiŭ na milicejski videarehistratar, pra isnavańnie jakoha jon nie viedaŭ, paviedamlaje MUS Biełarusi.
Pryčynaj sproby dačy chabaru była adsutnaść techahladu jaho «Falksvahiena». Pakolki raniej mužčyna ŭžo karaŭsia štrafam za heta ž, jon pasprabavaŭ paźbiehnuć bolš bujnoha pakarańnia za paŭtornaje parušeńnie. Ad chabaru aficer DAI admoviŭsia, papiaredziŭšy jaho ab supraćzakonnaści prapanovy.
Kiroŭca, adnak, paprasiŭ vyklučyć śviatło — i pakłaŭ niekalki kupiur pamiž siadzieńniami — naŭprost pad uklučanym videarehistrataram. Inśpiektar DAI nieadkładna vyklikaŭ śledčuju hrupu, jakaja zadakumientavała złačynstva.
Zatrymany kiroŭca byŭ źmieščany ŭ śledčy izalatar. Jaho buduć sudzić pavodle artykuła «Dača chabaru», pa jakim pahražaje pazbaŭleńnie voli terminam da 5 hadoŭ.
Videa momantu sproby dačy chabaru
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary