Paśla siońniašniaha pazbaŭleńnia dvuch rasijskich skieletanistaŭ załatoj i bronzavaj uznaharod sočynskaj Alimpijady, Rasija apuściłasia na druhoje miesca ŭ miedalnym zaliku hulniaŭ-2014 pavodle ahulnaj kolkaści ŭznaharod, paviedamlaje Mižnarodny alimpijski kamitet.
Siońnia na sajcie MAK byli apublikavanyja paviedamleńni ab pazityŭnych dopinh-testach čatyroch udzielnikaŭ rasijskaj alimpijskaj kamandy pa skieletonie. Dva ź ich nie byli miedalistami, a voś Alaksandru Traćciakovu i Alenie Nikicinaj daviadziecca viarnuć załaty i bronzavy miedali adpaviedna.
Alaksandr Traćciakoŭ z załatym miedalom Sočy-2014
Ciapier u rasijskich spartoŭcaŭ zastałosia 27 miedaloŭ — 12 załatych, 8 siarebranych i 7 bronzavych.
Na pieršaje miesca ŭ ahulnym miedalnym zaliku vyjšli zbornyja Narviehii i ZŠA, u jakich pa 29 uznaharod — 11 załatych, 6 siarebranych, 12 bronzavych i 9 załatych, 8 siarebranych, 12 bronzavych adpaviedna. Pry hetym pavodle kolkaści załatych miedaloŭ (12) Rasija pakul zastałasia na pieršym miescy. Na druhoj pazicyi — Narviehija (11).